പാക് വനിതാ ക്രിക്കറ്റ് ടീമില്‍ ലൈംഗിക ആരോപണം
By smug - Thursday, June 13, 2013
ഇസ്ലാമാബാദ്: വാതുവെപ്പ് നാണക്കേടുകളില്‍ നിന്ന് മുക്തിനേടിയ പാക് ക്രിക്കറ്റില്‍ ലൈംഗിക ആരോപണവും. ദേശീയ വനിതാ ക്രിക്കറ്റ് ടീം അംഗങ്ങളാണ് ലൈംഗിക ആരോപണങ്ങളുമായി രംഗത്തുവന്നിരിക്കുന്നത്.
ദേശീയ ടീമില്‍ ഇടംപിടിക്കണമെങ്കില്‍ സെലക്ടര്‍മാര്‍ക്ക് കിടപ്പറ പങ്കിടേണ്ട ഗതികേടാണെന്ന ആരോപണവുമായി ചില താരങ്ങള്‍ രംഗത്തെത്തി. പ്രാദേശിക തലം മുതല്‍ ദേശീയ ടീമുകളില്‍ വരെ സ്ഥാനം ലഭിക്കണമെങ്കില്‍ സെലക്ടര്‍മാരുടെ ആഗ്രഹങ്ങള്‍ക്ക് കൂട്ടുനില്‍ക്കേണ്ടതുണ്ടെന്നും വനിതാ ക്രിക്കറ്റ് താരങ്ങള്‍ പറഞ്ഞു.
ഒരു ചാനല്‍ പരിപാടിക്കിടെയാണ് നാല് വനിതാ താരങ്ങള്‍ ഇത്തരമൊരു ഞെട്ടിപ്പിക്കുന്ന വിവരം പുറത്തുവിട്ടത്. മുള്‍ട്ടാന്‍ ക്രിക്കറ്റ് ക്ലബ്ബ് (എം.സി.സി) മേധാവിയും ഒരു സെലക്ടരും താരങ്ങളോട് മോശമായാണ് പെറുമാറുന്നതെന്നും അവര്‍ പറഞ്ഞു. എം സി സി മേധാവി മൌലവി സുല്‍ത്താന്‍ ആലം(70), സെലക്ടര്‍ മുഹമ്മദ് ജാവേദ് എന്നിവര്‍ക്കെതിരെയാണ് ലൈംഗിക ആരോപണവുമായി താരങ്ങള്‍ രംഗത്തെത്തിയത്.
Follow our blog on Twitter, become a fan on Facebook. Stay updated via RSS
