Advertisement

Latest News

മുഖ്യമന്ത്രി രാജിവെച്ചില്ലെങ്കില്‍ വെപ്പിക്കും പിണറായി വിജയന്‍

By smug - Sunday, June 30, 2013

സോളാര്‍ തട്ടിപ്പ് കേസില്‍ ഉമ്മന്‍ചാണ്ടി മുഖ്യമന്ത്രി സ്ഥാനം രാജിവെക്കേണ്ടത് അനിവാര്യമായിരിക്കുന്നുവെന്ന് സി.പി.ഐ.എം സംസ്ഥാന സെക്രട്ടറി പിണറായി വിജയന്‍. മുഖ്യമന്ത്രിക്ക് ഇനിയും ഈ തട്ടിപ്പില്‍ നിന്നും ഒഴിഞ്ഞു നില്‍ക്കാനാവില്ല സ്ഥാനം രാജിവെച്ചില്ലെങ്കില്‍ കൂടുതല്‍ ശക്തമായ പ്രക്ഷോഭങ്ങള്‍ ആരംഭിക്കുമെന്നും പിണറായി പറഞ്ഞു.
-->
സോളാര്‍ തട്ടിപ്പില്‍ ഇതേവരെ ധാര്‍മ്മിക വശം രാഷ്ട്രീയവശം എന്നൊക്കെയാണ് പറഞ്ഞിരുന്നത്. എന്നാല്‍ ഇപ്പോള്‍ പുതിയ വെളിപ്പെടുത്തലുകള്‍ നിയമപരവും സാങ്കേതികവുമായ തലങ്ങളിലേക്കാണ് തട്ടിപ്പ് മാറിയിരിക്കുന്നത്. ധാര്‍മ്മകതയില്‍ നിന്നും മാറി നിയമപരമായ ആവശ്യമായി മാറിയിരിക്കുകയാണ് മുഖ്യമന്ത്രിയുടെ രാജി തട്ടിപ്പ് നടത്തിയെന്ന് പേഴ്‌സണല്‍ സ്റ്റാഫ് അംഗമായ ജോപ്പന്‍ തന്നെ അന്വേഷണ സംഘത്തോട് സ്ഥിരീകരിച്ചിരിക്കുന്നു. അതുകൊണ്ടുതന്നെ മുഖ്യമന്ത്രിക്ക് ഒഴിവാകാനാവില്ല. മുഖ്യമന്ത്രിയുടെ രാജ്യി അനിവാര്യമായിരിക്കുന്നു.
-->
തന്റെ 40 ലക്ഷം രൂപ തട്ടിയെടുത്തെന്ന് കാണിച്ചാണ് വ്യസായിയായ ശ്രീധരന്‍ നായര്‍ പത്തനംതിട്ട കോടതിയില്‍ പരാതി നല്‍കിയിരിക്കുന്നത്. മുഖ്യമന്ത്രി, ഓഫീസ്, ഉദ്യോഗസ്ഥര്‍ എന്നിവരെ എല്ലാം പരാമര്‍ശിച്ചാണ് പരാതി നല്‍കിയിരിക്കുന്നത്.  സാമാന്യബുദ്ധിവെച്ച് ആലോചിച്ചാല്‍ ജോപ്പന് വേണ്ടി 40 ലക്ഷം മുടക്കാന്‍ ശ്രീധരന്‍നായര്‍ തയ്യാറാകില്ലെന്ന് മനസിലാകും. അതിനും മേലെയുള്ള ആള്‍ക്കാണ് ശ്രീധരന്‍ നായര്‍ പണം കൊടുക്കാന്‍ തയ്യാറായത്. മുഖ്യമന്ത്രിയുടെ ഓഫീസിനെ തട്ടിപ്പിന് വേണ്ടി ഉപയോഗിച്ചിരിക്കുകയാണ്. മുഖ്യമന്ത്രിക്ക് നല്‍കാനുള്ള തുകയാണെന്ന് ജോപ്പന്‍ ശ്രീധരന്‍നായരോട് പറഞ്ഞെന്നാണ് പരാതിയിലുള്ളത്. മുഖ്യമന്ത്രിയുടെ ഓഫീസില്‍ വെച്ചാണ് ഇത് പറഞ്ഞത്.
-->

Follow our blog on Twitter, become a fan on Facebook. Stay updated via RSS

Advertisement