“ സിനിമയില്‍ നല്ല പെണ്‍പിള്ളേരുണ്ട് ഗണേഷ്‌കുമാറിന്‌ വിവാഹം കഴിക്കണമെങ്കില്‍ ”

ഗണേഷ്‌കുമാറിന് വിവാഹം കഴിക്കണമെങ്കില്‍ സിനിമയില്‍ നല്ല പെണ്‍പിള്ളേരുണ്ടെന്ന് ആര്‍.ബാലകൃഷ്ണപ്പിള്ള. ഗണേശിന്റെ വിവാഹം നടത്തി കൊടുക്കാന്‍ അച്ഛനായ ഞാനുണ്ട്, അതിനു പി.സി. ജോര്‍ജിന്റെ ആവശ്യമില്ല. ചിന്നക്കടയില്‍ , കേരള കോണ്‍ഗ്രസ് (ബി) ജില്ലാ പ്രതിനിധിസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

തൊഴിലിന്റെ ഭാഗമായാണ് ഗണേഷ്‌കുമാര്‍ സ്ത്രീകളെ കെട്ടിപ്പിടിക്കുന്നത്. പത്തിരുന്നൂറുപേരുടെയും വലിയ ലൈറ്റുകളുടെയും മുന്നിലാണ് സിനിമയില്‍ കെട്ടിപ്പിടിത്തം നടക്കുന്നത്. കുറച്ചു കാശ് കൊടുത്താല്‍ കുറച്ചും കൂടുതല്‍ കാശിനു കൂടുതലും കെട്ടിപ്പിടിക്കും. അതിനപ്പുറം അവിടെ ഒന്നും നടക്കില്ല. കെട്ടിപ്പിടിക്കാന്‍ പറ്റില്ലെന്നുപറഞ്ഞാല്‍ വീട്ടിലിരിക്കേണ്ടി വരുമെന്നും ബാലകൃഷ്ണ പിള്ള പറഞ്ഞു.