മഞ്ജു വാര്യര്‍ തിരിച്ചു വരുന്നു; രണ്ടാം വരവ് അമിതാഭ്ബച്ചന്റെ കൂടെ
By smug - Friday, June 21, 2013
മലയാളികളുടെ പ്രിയപ്പെട്ട നടി മഞ്ജു വാര്യര്‍ തിരിച്ചു വരുന്നതായി വാര്‍ത്ത. എന്നാല്‍ മഞ്ജുവിന്റെ രണ്ടാം വരവ് സിനിമയിലൂടെ അല്ലെന്നു മാത്രം. പകരം പ്രമുഖ ജ്വല്ലറി ഗ്രൂപ്പായ കല്യാണ്‍ ജ്വല്ലേഴ്‌സിന്റെ പരസ്യ ചിത്രത്തില്‍ അഭിനയിച്ചു കൊണ്ടായിരിക്കും മഞ്ജു വാര്യര്‍ തിരികെ വരുന്നത്. മഞ്ജുവിന്റെ കൂടെ അഭിനയിക്കുന്നത് ബോളിവുഡ് കിംഗ്‌ അമിതാഭ്ബച്ചന്‍ ആണെന്നാണ് കേള്‍ക്കുന്നത്.
പരസ്യ ചിത്രത്തില്‍ അഭിനയിക്കുന്നതിന് മഞ്ജുവിനു കോടികള്‍ ആണ് വാഗ്ദാനം ചെയ്തിരിക്കുന്നത് എന്നാണ് കേള്‍ക്കുന്നത്. ഇതിനു മുന്‍പ്‌ കല്യാണിന്റെ ബ്രാന്‍ഡ്‌ അംബാസഡര്‍ ആയിരുന്ന ഐശ്വര്യ റായിക്ക് രണ്ടു വര്‍ഷത്തേക്ക് പത്തു കോടി ആയിരുന്നു ലഭിച്ചിരുന്നത്.
തങ്ങളുടെ പരസ്യങ്ങള്‍ക്ക്‌ മാത്രമായി കല്യാണ്‍ ഒരു വര്‍ഷം 90 കോടിയാണ് ചിലവഴിക്കുന്നത്.
Follow our blog on Twitter, become a fan on Facebook. Stay updated via RSS
