ബിജുവിന് വേണ്ടി ശാലുവിന്റെ നൃത്ത 'വഴിപാട്‌'
By smug - Tuesday, June 18, 2013
ചേര്‍ത്തല : സോളാര്‍ തട്ടിപ്പ്‌ കേസിലെ മുഖ്യപ്രതി ബിജു രാധാകൃഷ്ണന്‍ ചേര്‍ത്തലയി കൊക്കോതമംഗലം കുന്നത്ത് ഹനുമാന്‍ ക്ഷേത്രത്തില്‍ വഴിപാടായി ശാലുമേനോന്റെ നൃത്തവും നടത്തി. കഴിഞ്ഞ ഉത്സവ സീസണിലാണ് വഴിപാടായി ശാലുമേനോന്റെ നൃത്തം സമര്‍പ്പിച്ചത്. രണ്ട് ലക്ഷം രൂപ ചാര്‍ജ്ജ്‌ വരുന്ന ശാലുമേനോന്റെ നൃത്തപരിപാടി ബിജു നല്‍കിയ 10,000 രൂപ കൊടുത്താണ് ബുക്ക് ചെയ്തതതെന്നും, പിന്നീട് പണമൊന്നും നല്‍കേണ്ടതില്ലെന്ന് ബിജു പറഞ്ഞിരുന്നതായും ക്ഷേത്ര ഭാരവാഹികള്‍ പറഞ്ഞു.
ഒരിക്കല്‍ വിഷ്ണു ക്ഷേത്രം നിര്‍മിക്കാന്‍ അഞ്ച് ലക്ഷം രൂപ വാഗ്ദാനം ചെയ്‌തെങ്കിലും നല്‍കിയില്ലെന്നും ദേവസ്വം ഭാരവാഹികള്‍ പറഞ്ഞു. ഹനുമാന്‍ ഭക്തനായ ബിജു സ്ഥിരമായി ഇവിടെ ദര്‍ശനം നടത്താറുണ്ടായിരുന്നു. ക്ഷേത്രത്തില്‍ അന്നദാനവും ബിജു നടത്താറുണ്ടായിരുന്നതായി ക്ഷേത്ര ഭാരവാഹികള്‍ പറഞ്ഞു.
Follow our blog on Twitter, become a fan on Facebook. Stay updated via RSS
