വിവാഹ ജീവിതത്തിലേക്ക് കടക്കാന്‍ മീര
By smug - Thursday, June 13, 2013
ലാല്‍ജോസിന്റെ മുല്ല എന്ന ചിത്രത്തിലൂടെ മലയാളികള്‍ക്ക് സുപരിചിതയായ മീരനന്ദന്‍ വിവാഹിതയാകുന്നു. കൊച്ചിയില്‍ നടന്ന ഒരു ചടങ്ങിനിടെയാണ് മീര ഇക്കാര്യം വെളിപ്പെടുത്തിയത്.
എന്നാല്‍ വരന്‍ ആരാണെന്നോ വിവാഹം എപ്പോഴാണെന്നോ വെളിപ്പെടുത്താന്‍ മീര തയ്യാറായില്ല. അടുത്തൊന്നും വിവാഹത്തെക്കുറിച്ച് ചിന്തിക്കുന്നില്ലെന്ന് നേരത്തെ പ്രതികരിച്ചിരുന്ന മീര അവാര്‍ഡ് ചടങ്ങില്‍ പങ്കെടുത്ത് തന്റെ വിവാഹം ഉടന്‍ ഉണ്ടാകുമെന്ന് പ്രഖ്യാപിക്കുകയായിരുന്നു.
ഏഷ്യാനെറ്റിന്രെ ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെയാണ് മീര ആദ്യമായി പ്രേക്ഷകര്‍ക്ക് മുന്നിലെത്തുന്നത്. അവതാരക വേഷം പിന്നീട് താരത്തിന്റെ ബിഗ് സ്ക്രീനിലെത്തുകയായിരുന്നു. അന്യഭാഷാ ചിത്രങ്ങളിലും മീര അഭിനയിച്ചുവരികയാണ്.
മലയാളത്തിലും തമിഴിലുമായി ഒട്ടേറെ കഥാപാത്രങ്ങള്‍ ചെയ്ത മീര മോഹന്‍ലാലിനൊപ്പം ലോക്പാല്‍ എന്ന സിനിമയിലും അഭിയിച്ചിരുന്നു. നല്ലൊരു നര്‍ത്തകിയും പാട്ടുകാരിയും കൂടിയാണ് മീര.
Follow our blog on Twitter, become a fan on Facebook. Stay updated via RSS
