' ശ്രീ ശാന്തിന്‍റെ വിവാഹം ഉടൻ ഉണ്ടാകുമെന്ന് റിപ്പോർട്ട്
By smug - Wednesday, June 12, 2013
ശ്രീശാന്തിന്റെ വിവാഹം ഉടന്‍ നടക്കുമെന്ന് റിപ്പോര്‍ട്ട്. ഐപിഎല്‍ വാതു വെപ്പ് വിവാദത്തെ തുടര്‍ന്ന് ശ്രീശാന്ത് ജയിലിലായപ്പോളാണ് ശ്രീയുടെ വിവാഹകാര്യം പുറം ലോകമറിഞ്ഞത്.ജയ്പൂര്‍ രാജ കുടുംബത്തിലെ പെണ്‍കുട്ടിയാണ് ശ്രീശാന്തിന്റെ വധുവായെത്തുന്നത്.
ശ്രീശാന്തിന്റെ വിവാദ വാര്‍ത്തകള്‍ക്കൊപ്പം തന്നെ സജീവമായിരുന്നു ജയ്പൂരി സുന്ദരിയുടെയും വാര്‍ത്തകള്‍. ശ്രീശാന്ത് ജയിലിലായതു മുതല്‍ സ്ഥിരമായി ജയ്പൂരി പെണ്‍കുട്ടി അഭാഭാഷകരെ വിളിച്ച് വിവരങ്ങള്‍ അന്വേഷിക്കുന്നതായും നേരത്തെ റിപ്പോര്‍ട്ടുകള്‍ ഉണ്ടായിരുന്നു.
ഐപിഎല്‍ മത്സരങ്ങള്‍ക്കു ശേഷമാണ് ശ്രീയുടെ വിവാഹം തീരുമാനിച്ചിരുന്നത്.എന്നാല്‍ ഐപിഎല്ലിലെ വാതു വെപ്പ് വിവാദത്തെ തുടര്‍ന്ന് ശ്രീശാന്ത് അപ്രതീക്ഷിതമായി ജയിലിലായതാണ് കാര്യങ്ങളെ കീഴ്‌മേല്‍ മറിച്ചത്.
27 ദിവസത്തെ ജയില്‍വാസത്തിന് ശേഷം വീണ്ടും അപ്രതീക്ഷിതമായി ജാമ്യം ലഭിച്ചപ്പോള്‍ ശ്രീയുടെ വിവാഹ കാര്യത്തിലും ഉടന്‍ തീരുമാനമാകുമെന്നാണ് വിവരങ്ങള്‍. . കല്യാണത്തിന് ജയ്പൂര്‍ രാജകുടുംബം ശ്രീശാന്തിന് 80 കോടി രൂപ നല്‍കുമെന്നും നേരത്തെ റിപ്പോര്‍ട്ടുകളുണ്ടായിരുന്നു
Follow our blog on Twitter, become a fan on Facebook. Stay updated via RSS
