15 വര്‍ഷങ്ങള്‍ക്ക് ശേഷം തന്റെ മകളെ കണ്ട സന്തോഷത്തില്‍ ഷാരൂഖ്‌ഖാന്‍ .
By smug - Monday, July 8, 2013
നീണ്ട 15 വര്‍ഷങ്ങള്‍ക്ക് ശേഷമാണ് ഷാരൂഖ്‌ഖാന്‍ തന്റെ മകളായ സന സയീദിനെ കാണുന്നത്. പതിനഞ്ച് വര്‍ഷങ്ങള്‍ക്കിപ്പുറം തന്റെ മകള്‍ ഇത്രമാത്രം വലുതായത് കണ്ടപ്പോള്‍ ഷാരൂഖിന് അത്ഭുതം. വിശ്വസിക്കാനാവാതെ ഷാരൂഖ് അല്‍പ സമയം അവളെ നോക്കി നിന്നു. പറഞ്ഞു വരുന്നത് 15 വര്‍ഷങ്ങള്‍ക്ക് മുന്‍പ് കുച്ച് കുച്ച് ഹോത്താ ഹേയില്‍ തന്റെ മകളായ അഭിനയിച്ച സന സയീദിനെ ഷാരൂഖ് കളേഴ്സ് ടിവിയുടെ ഝലക് ധിക് ലാ ജയുടെ സെറ്റില്‍ കണ്ടു മുട്ടിയപ്പോള്‍ ഉണ്ടായ രംഗങ്ങള്‍ ആണ്. ഝലക് ധിക് ലാ ജയില്‍ ഒരു മത്സരാര്‍ത്ഥിയാണ് സന സയീദ്‌
തന്റെ പുതിയ ചിത്രമായ ചെന്നൈ എക്സ്പ്രസ്സിന്റെ പ്രമോഷന് വേണ്ടി എത്തിയതായിരുന്നു ഷാരൂഖ്. തന്റെ അഞ്ജലി ഇത്ര വളര്‍ന്നത്‌ താനറിഞ്ഞില്ല എന്ന് പറഞ്ഞ കിംഗ്‌ ഖാന്‍ ആ വേദിയിലും അവളുടെ അച്ഛനായി തന്നെ അഭിനയിച്ചത് കൌതുകമുണര്‍ത്തി. സിദ്ധാര്‍ത് ശുക്ല സനയുടെ കൂടെ ഡാന്‍സ് ചെയ്യാന്‍ ഒരുങ്ങിയപ്പോള്‍ അവളെ ശരീരത്തില്‍ തൊടാതെ ഡാന്‍സ് ചെയ്യണം എന്ന് കുച്ച് കുച്ച് ഹോത്താ ഹേയിലെ അച്ഛന്റെ കല്‍പ്പന വന്നപ്പോള്‍ സദസ്സ് പൊട്ടിച്ചിരിച്ചു.
-->
Follow our blog on Twitter, become a fan on Facebook. Stay updated via RSS
