പോലീസുകാരുടേതടക്കം 29 ആക്‌സിസ് ബാങ്ക് അക്കൗണ്ടുകള്‍ ഹാക്ക് ചെയ്തു
By smug - Friday, June 14, 2013
പോലീസുകാരടക്കം 29 പേരുടെ ബാങ്ക് അക്കൊണ്ടുകള്‍ ഹാക്ക് ചെയ്ത് ലക്ഷങ്ങള്‍ തട്ടി. ഗ്രീസില്‍ നിന്നുള്ള എ.ടി.എമ്മുകളില്‍ നിന്നാണ് 13 ലക്ഷത്തോളം രൂപ പിന്‍വലിച്ചിരിക്കുന്നതെന്ന് പോലീസ് അറിയിച്ചു.
ആക്‌സിസ് ബാങ്ക് അക്കൗണ്ടുള്ള മുംബൈയിലെ ചില പോലീസുകാര്‍ക്ക് മൊബൈലില്‍ പണം പിന്‍വലിച്ചത് കാണിച്ച് സന്ദേശം ലഭിച്ചതോടെയാണ് സംഭവങ്ങളുടെ തുടക്കം. ആക്‌സിസ് ബാങ്കില്‍ നിന്നും യൂറോ കറന്‍സിയായാണ് പണം പിന്‍വലിച്ചിരിക്കുന്നത്. പണം നഷ്ടപ്പെട്ടതറിഞ്ഞ പോലീസുകാര്‍ തന്നെയാണ് ആദ്യം പരാതിയുമായി ബാങ്കിനെ സമീപിച്ചത്.
പിന്നീട് പോലീസ് നടത്തിയ അന്വേഷണത്തില്‍ അക്കൗണ്ടുകള്‍ ഏപ്രില്‍, മെയ് മാസങ്ങളിലാണ് ഹാക്ക് ചെയ്യപ്പെട്ടതെന്ന് തെളിഞ്ഞിരുന്നു. ഏകദേശം 13 ലക്ഷം രൂപ നഷ്ടമായെന്ന് പറയുന്നുണ്ടെങ്കിലും കൃത്യം തുക എത്രയെന്ന് പോലീസ് ഇതുവരെ വെളിപ്പെടുത്തിയിട്ടില്ല. ഡെബിറ്റ് കാര്‍ഡുമായി ബന്ധിപ്പിച്ചാണ് തട്ടിപ്പ് നടത്തിയതെന്നാണ് പ്രാഥമിക വിവരം.
Follow our blog on Twitter, become a fan on Facebook. Stay updated via RSS
