തിരുവനന്തപുരത്ത് കൂട്ടബലാത്സംഗം

തിരുവനന്തപുരം:  പെരിന്തല്‍മണ്ണ സ്വദേശിയായ ഇരുപത്തിയഞ്ച്കാരി കൂട്ടബലാത്സംഗത്തിന് ഇരയായി. പെണ്‍കുട്ടിയെ പതിനാല് പേര്‍ ചേര്‍ന്നായിരുന്നു പീഡിപ്പിച്ചത്. ഓട്ടോ ഡ്രൈവറുടെ നേതൃത്വത്തില്‍ തടവില്‍ വെച്ചായിരുന്നു പീഡനം. ഏപ്രില് 13നാണ് പെണ്കുട്ടി തിരുവനന്തപുരത്ത് എത്തിയത്.

ജോലി വാഗ്ദാനം ചെയ്ത് പെണ്‍കുട്ടിയെ വീട്ടില്‍ കൊണ്ടുപോയി പൂട്ടിയിടുകയും പീഡിപ്പിക്കുകയുമായിരുന്നു.

കഴിഞ്ഞ ദിവസം ബോധരഹിതയായി പെണ്‍കുട്ടി വീണു. തുടര്‍ന്ന് ആശുപത്രിയില്‍ എത്തിയ പെണ്‍കുട്ടി ചികിത്സിക്കാനെത്തിയ ഡോക്ടറോട് പീഡിപ്പിക്കപ്പെട്ട വിവരം പറയുകയായിരുന്നു.

പെണ്‍കുട്ടി പീഡിപ്പിക്കപ്പെട്ട വിവരം ഡോക്ടര്‍ പൊലീസിനെ അറിയിച്ചു. കഴിഞ്ഞ രണ്ട് മാസമായി തടവില്‍ വെച്ച് പീഡിപ്പിക്കുകയായിരുന്നുവെന്ന് പെണ്കുട്ടി പറഞ്ഞു. പൊലീസ് കേസ് രജിസ്റ്റര്‍ ചെയ്തിട്ടുണ്ട്. മൂന്ന് പേരെ അറസ്റ്റു ചെയ്തതതായാണ് സൂചന.