യുവതിയെ ബന്ധുക്കള്‍ തല മൊട്ടയടിച്ചതിനു ശേഷം നഗ്‌നയാക്കി മര്‍ദ്ദിച്ചു
By smug - Saturday, June 15, 2013
സ്വത്ത് തട്ടിയെടുക്കുന്നതിനായി 46 വയസ്സുള്ള യുവതിയെ ബന്ധുക്കള്‍ തല മുണ്ഡനം ചെയ്ത ശേഷം നഗ്‌നയാക്കി ക്രൂരമായി മര്‍ദ്ദിച്ചു. ഭരത്പൂരിലെ ജുരാഹാരയില്‍ കഴിഞ്ഞ വ്യാഴാഴ്ചയാണ് ഈ സംഭവം നടന്നത്.
ഒരു ലക്ഷം രൂപ വിലയുള്ള തന്റെ സ്ഥലം യുവതി മറ്റൊരാള്‍ക്ക് വില്‍ക്കാന്‍ തീരുമാനിച്ചതിനെതിരെ സഹോദരിമാരും അവരുടെ ഭര്‍ത്താക്കന്മാരും രംഗത്തെത്തിയിരുന്നു. യുവതി അത് ചെവികൊള്ളാതെ സ്ഥലം വിറ്റതില്‍ പ്രതിഷേധിച്ചാണ് സഹോദരിമാരും അവരുടെ ഭര്‍ത്താക്കന്മാരും അടക്കമുള്ള ബന്ധുക്കള്‍ യുവതിയെ അവരുടെ വീട്ടിലെത്തി തല മുണ്ഡനം ചെയ്ത ശേഷം വിവസ്ത്രയാക്കുകയും പിന്നീട് ക്രൂരമായി മര്‍ദ്ദിക്കുകയും ചെയ്തത്.
നഗ്‌നയാക്കി തന്നെ അവര്‍ യുവതിയെ വീട്ടില്‍ നിന്നും വലിച്ചിറക്കുകയും മര്‍ദ്ദനം തുടരുകയും ചെയ്തു. തുടര്‍ന്ന് അയല്‍ക്കാര്‍ ഇടപെട്ട് യുവതിയെ രക്ഷപ്പെടുത്തുകയായിരുന്നു. പ്രതികളില്‍ ചിലരെ നാട്ടുകാര്‍ പൊലീസില്‍ ഏല്‍പ്പിച്ചു.
Follow our blog on Twitter, become a fan on Facebook. Stay updated via RSS
