സംസ്ഥാനത്ത് ജൂലൈ 10 മുതല്‍ സ്വകാര്യ ബസ്സ് പണിമുടക്ക്

തിരുവനന്തപുരം:സംസ്ഥാനത്ത് ജൂലൈ 10 മുതല്‍ സ്വകാര്യ ബസ്സുകള്‍ പണിമുടക്കുന്നു. ബസ് ചാര്‍ജ് വര്‍ദ്ധിപ്പിക്കണം എന്നാവശ്യപ്പെട്ടാണ് സ്വകാര്യ ബസുടമകള്‍ സമരം നടത്തുന്നത്. ബസ്സ് ചാര്!ജ്ജ് വര്‍ദ്ധന സംബന്ധിച്ച് അന്തിമ തീരുമാനം എടുക്കാന്‍ ചേര്‍ന്ന് ബസുടമകളുടെ നേതൃത്വത്തില്‍ യോഗത്തിലാണ് തീരുമാനം. ബസ്സ് ചാര്‍ജ്ജ് വര്‍ദ്ധിപ്പിക്കാന്‍ സര്‍ക്കാര്‍ തയ്യാറായില്ലെങ്കില്‍ ഈ മാസം 25 മുതല്‍ അിശ്ചിത കാല സമരം ആരംഭിക്കുമെന്നും ബസ്സുടമകള്‍ അറിയിച്ചു. കഴിഞ്ഞ ബസ് ചാര്‍ജ് വര്‍ദ്ധനവിന് ശേഷം ഡീസലിന് അഞ്ച് രൂപ വര്‍ദ്ധിച്ചതായും ഇത് നഷ്ടം വരുത്തുന്നതായും ചൂണ്ടിക്കാട്ടിയാണ് ബസ് ചാര്‍ജ് വര്‍ദ്ധിപ്പിക്കണമെന്ന ആവശ്യവുമായി സംഘടനകള്‍ രംഗത്ത് വന്നിരിക്കുന്നത്. 2012 നവംബര്‍ മാസമായിരുന്നു ഒടുവില്‍ ചാര്‍ജ് വര്‍ദ്ധിപ്പിച്ചത്. ബസ് ചാര്‍ജ് വര്‍ദ്ധിപ്പിക്കാന്‍ സര്‍ക്കാര്‍ തയ്യാറായില്ലെങ്കില്‍ അനിശ്ചിതകാല സമരം ഉള്‍പ്പെടെയുള്ള പ്രതിഷേധങ്ങള്‍ നടത്താനാണ് സംഘടനകള്‍ ആലോചിക്കുന്നത്.